編輯：李裕田(ylee3274@yahoo.com)
補充修正：劉明宗（mingo5566@yahoo.com.tw）
目的：建立完整的六堆客語語料
資料來源：哈客網路學院
參考文獻：六堆詞典、美濃客家語寶典
歡迎討論，懇請指正。請聯絡作者。
| 編號 | 例句 | 內埔音 | 高樹音 | 中文註釋 |
|---|---|---|---|---|
| hak100_001 | 朝晨食飽吔無？ | zeuˊ siinˇ siid bauˋ eˇ moˇ ？ | zeuˊ xinˇ xid bauˋ eˇ moˇ ？ | 你吃早餐了沒？ |
| hak100_002 | 十二點，好食晝吔！ | siib ngi diamˋ ， hoˋ siid zu eˊ ！ | xib ngi diamˋ ， hoˋ xid zu eˊ ！ | 12點，可以吃午餐了！ |
| hak100_003 | 食飽夜共下來去逛街好無？ | siid bauˋ ia kiung ha loiˇ hi gong giaiˊ hoˋ moˇ ？ | xid bauˋ ia kiung ha loiˇ hi gong gieˊ hoˋ moˇ ？ | 晚餐後一起去逛街好嗎？ |
| hak100_004 | 來去粄攤仔食點心！ | loiˇ hi banˋ damˊ eˋ siid diamˋ ximˊ ！ | loiˇ hi banˋ damˊ iˋ xid diamˋ ximˊ ！ | 到小吃店去吃點心！ |
| hak100_005 | 你會肚飢無？ | ngˇ voi duˋ giˊ moˇ ？ | 同內埔音 | 你餓嗎？ |
| hak100_006 | 𠊎毋會肚飢！ | ngaiˇ mˇ voi duˋ giˊ ！ | 同內埔音 | 我不餓！ |
| hak100_007 | 𠊎肚飢吔！ | ngaiˇ duˋ giˊ eˇ ！ | 同內埔音 | 我肚子餓了！ |
| hak100_008 | 𠊎食飽吔！ | ngaiˇ siid bauˋ eˇ ！ | ngaiˇ xid bauˋ eˇ ！ | 我吃飽了！ |
| hak100_009 | 你愛食麼个？ | ngˇ oi siid magˋ ge ？ | ngˇ oi xid magˋ ge ？ | 你要吃什麼？ |
| hak100_010 | 儘採！ | qin caiˊ ！ | 同內埔音 | 隨便！ |
| hak100_011 | 大家共下來去打鬥敘。 | tai gaˊ kiung ha loiˇ hi daˋ deu xi 。 | 同內埔音 | 大家一起去聚餐。 |
| hak100_012 | 暗晡夜來𠊎屋下分𠊎請！ | am buˊ ia loiˇ ngaiˇ lugˋ kaˊ bunˊ ngaiˇ qiangˋ ！ | 同內埔音 | 今晚到我家來吃飯！ |
| hak100_013 | 恁傪菜喔！ | anˋ cam coi oˊ ！ | 同內埔音 | 好豐盛啊！ |
| hak100_014 | 莫食忒多！ | mog siid tedˋ doˊ ！ | mog xid tedˋ doˊ ！ | 不要吃太多！ |
| hak100_015 | 這尾魚仔蓋萋！ | iaˋ miˊ ngˇ eˋ goi qiˊ ！ | iaˋ miˊ ngˇ iˋ goi qiˊ ！ | 這條魚很新鮮！ |
| hak100_016 | 𠊎嘴燥，想愛食茶。 | ngaiˇ zoi zauˊ ， xiongˋ oi siid caˇ 。 | ngaiˇ zoi zauˊ ， xiongˋ oi xid caˇ 。 | 我口渴，想喝茶。 |
| hak100_017 | 這領裙蓋鬧。 | iaˋ liangˊ kiunˇ goi nau 。 | 同內埔音 | 這件裙子很漂亮。 |
| hak100_018 | 這身衫褲蓋合身。 | iaˋ siinˊ samˊ fu goi hab siinˊ 。 | iaˋ xinˊ samˊ fu goi hab xinˊ 。 | 這套衣服很合身。 |
| hak100_019 | 外背日頭恁烈，出門愛記得戴帽仔。 | ngo boi ngidˋ teuˇ anˋ ladˋ ， cudˋ munˇ oi gi dedˋ dai mo 。 eˋ | ngo boi ngidˋ teuˇ anˋ ladˋ ， cudˋ munˇ oi gi dedˋ dai mo 。 iˋ | 外面太陽很大，出門要記得戴帽子。 |
| hak100_020 | 落雨天愛擎遮仔。 | log iˋ tienˊ oi kiangˇ zaˊ eˋ 。 | log iˋ tienˊ oi kiangˇ zaˊ iˋ 。 | 下雨天要撐傘。 |
| hak100_021 | 著恁少，會寒無？ | zogˋ anˋ seuˋ ， voi honˇ moˊ ？ | 同內埔音 | 穿這麼少，會冷嗎？ |
| hak100_022 | 今晡日蓋寒人，愛著加幾領。 | gimˊ buˊ ngidˋ goi honˇ nginˇ ， oi zogˋ gaˊ giˋ liangˊ 。 | 同內埔音 | 今天很冷，要多穿一點衣服。 |
| hak100_023 | 寒天著肨線衫當燒暖。 | honˇ tienˊ zogˋ pong xien samˊ goi seuˊ nonˊ 。 | 同內埔音 | 冬天穿毛衣很暖和。 |
| hak100_024 | 熱天蓋熱，著短袖仔就做得吔！ | ngiad tienˊ goi ngiad ， zogˋ donˋ qiu eˋ qiu zo dedˋ eˇ ！ | ngied tienˊ goi ngied ， zogˋ donˋ qiu iˋ qiu zo dedˋ eˇ ！ | 夏天很熱，穿短袖就可以了。 |
| hak100_025 | 有人客來，毋好打赤膊。 | iuˊ nginˇ hagˋ loiˇ ， mˇ hoˋ daˋ cagˋ bogˋ 。 | 同內埔音 | 有客人在，不可以打赤膊。 |
| hak100_026 | 入來裡背，請脫鞋。 | oi ngib diˇ boi ， qiangˋ todˋ haiˇ 。 | 同內埔音 | 進入室內，請脫鞋。 |
| hak100_027 | 你今晡日著啊恁鬧，愛去食酒係無？ | ngˇ gimˊ buˊ ngidˋ zogˋ a anˋ nau ， oi hi siid jiuˋ he moˇ ？ | ngˇ gimˊ buˊ ngidˋ zogˋ a anˋ nau ， oi hi xid jiuˋ he moˇ ？ | 你今天穿得好漂亮，要去喝喜酒是嗎？ |
| hak100_028 | 老妹背書包去學校。 | loˋ moi baˇ suˊ bauˊ hi hog gauˋ 。 | 同內埔音 | 妹妹背書包去上學。 |
| hak100_029 | 好䟘吔！ | hoˋ hong eˇ ！ | 同內埔音 | 該起床了！ |
| hak100_030 | 遽啊去洗面、搓牙齒！ | giagˋ a hi seˋ mien 、 co ngaˇ ！ ciiˋ | giagˋ a hi seˋ mien 、 co ngaˇ ！ qiˋ | 快去洗臉、刷牙！ |
| hak100_031 | 𠊎愛睡當晝。 | ngaiˇ oi soi dongˊ zu 。 | 同內埔音 | 我要睡午覺。 |
| hak100_032 | 恁夜吔！好去睡目吔！ | anˋ ia eˇ ！ hoˋ hi soi mugˋ eˇ ！ | 同內埔音 | 很晚了，可以上床睡覺了！ |
| hak100_033 | 將電火關核！ | jiongˊ tien foˋ guanˊ hedˋ ！ | 同內埔音 | 把燈關掉！ |
| hak100_034 | 麻煩你將電火扚著來好無？ | maˇ fanˇ ngˇ jiongˊ tien foˋ diag cog loiˇ hoˋ moˇ ？ | 同內埔音 | 麻煩你開燈好嗎？ |
| hak100_035 | 食飯前愛先洗手。 | siid fan qienˇ oi xienˊ seˋ suˋ 。 | xid fan qienˇ oi xienˊ seˋ suˋ 。 | 飯前要洗手。 |
| hak100_036 | 食飽後愛盪嘴。 | siid bauˋ heu oi tongˊ zoi 。 | xid bauˋ heu oi tongˊ zoi 。 | 飯後要漱口。 |
| hak100_037 | 𠊎尿蓋出，想愛屙尿。 | ngaiˇ ngiau goi cudˋ ， xiongˋ oi oˊ ngiau 。 | 同內埔音 | 我尿急，想要小便。 |
| hak100_038 | 老妹在浴堂洗身。 | loˋ moi teˊ iog tongˇ seˋ siinˊ 。 | loˋ moi teˊ iog tongˇ seˋ xinˊ 。 | 妹妹在浴室洗澡。 |
| hak100_039 | 阿公在間肚仔休息。 | aˊ gungˊ teˊ gianˊ duˋ eˊ hiuˊ xidˋ 。 | aˊ gungˊ teˊ gienˊ duˋ iˊ hiuˊ xidˋ 。 | 祖父在房間裡休息。 |
| hak100_040 | 老弟在廳下看電視。 | loˋ taiˊ teˊ tangˊ haˊ kon tien 。 sii | loˋ taiˊ teˊ tangˊ haˊ kon tien 。 xi | 弟弟在客廳看電視。 |
| hak100_041 | 阿姆在灶下煮飯。 | aˊ meˊ teˊ zo haˊ zuˋ fan 。 | 同內埔音 | 媽媽在廚房煮飯。 |
| hak100_042 | 𠊎每朝晨掃地泥。 | ngaiˇ miˊ zeuˊ siinˇ so ti naiˇ 。 | ngaiˇ miˊ zeuˊ xinˇ so ti naiˇ 。 | 我每天早上掃地。 |
| hak100_043 | 你歇啊哪仔？ | ngˇ hed a naiˋ eˋ ？ | 同內埔音 | 你住哪裡？ |
| hak100_044 | 有人在屋下無？ | iuˊ nginˇ teˊ lugˋ kaˊ moˇ ？ | 同內埔音 | 有人在家嗎？ |
| hak100_045 | 阿爸無在屋下。 | aˊ baˊ moˇ teˊ lugˋ kaˊ 。 | 同內埔音 | 爸爸不在家。 |
| hak100_046 | 阿姆毋曾歸來。 | aˊ meˊ mˇ qienˇ guiˊ loiˇ 。 | 同內埔音 | 媽媽還沒回家。 |
| hak100_047 | 正來尞！ | nang loiˇ liau ！ | 同內埔音 | 再見！ |
| hak100_048 | 順行！有閒正來尞！ | sun hangˇ ！ iuˊ hanˇ nang loiˇ liau ！ | 同內埔音 | 慢走！有空來玩！ |
| hak100_049 | 今晡日放尞，毋使去學校。 | gimˊ buˊ ngidˋ biong liau ， mˇ siiˋ hi hog gauˋ 。 | gimˊ buˊ ngidˋ biong liau ， mˇ xiˋ hi hog gauˋ 。 | 今天放假，不必上學。 |
| hak100_050 | 𠊎歸來吔！ | ngaiˇ guiˊ loiˇ eˇ ！ | 同內埔音 | 我回來了！ |
| hak100_051 | 你愛去哪仔？ | ngˇ oi hi naiˋ eˋ ？ | 同內埔音 | 你要去哪裡？ |
| hak100_052 | 請等一下！𠊎會搶快過來！ | qiangˋ denˋ idˋ ha ！ ngaiˇ voi qiong kuai go loiˇ ！ | 同內埔音 | 請稍等！我馬上過來！ |
| hak100_053 | 你遲到吔！ | ngˇ ciiˇ do eˇ ！ | ngˇ qiˇ do eˇ ！ | 你遲到了！ |
| hak100_054 | 遽啊！會赴毋着吔！ | giagˋ aˋ ！ voi fu mˇ doˋ eˇ ！ | 同內埔音 | 快點！快來不及了！ |
| hak100_055 | 駛車仔愛細義！ | siiˋ caˊ eˋ oi se ngi ！ | xiˋ caˊ iˋ oi se ngi ！ | 開車要小心！ |
| hak100_056 | 坐計程車毋使愁停車問題。 | coˊ gie cangˇ caˊ mˇ siiˋ seuˇ tinˇ caˊ mun tiˇ 。 | coˊ gie cangˇ caˊ mˇ xiˋ seuˇ tinˇ caˊ mun tiˇ 。 | 叫計程車不必煩惱停車問題。 |
| hak100_057 | 𠊎每日騎腳踏車上班。 | ngaiˇ miˊ ngidˋ kiˇ giogˋ tab caˊ songˊ banˊ 。 | 同內埔音 | 我每天騎腳踏車上班。 |
| hak100_058 | 騎機車愛戴安全帽。 | kiˇ giˊ caˊ oi dai onˊ qionˇ mo 。 | 同內埔音 | 騎機車要戴安全帽。 |
| hak100_059 | 老人家坐車仔毋使錢。 | loˋ nginˇ gaˊ coˊ caˊ eˋ mˇ siiˋ qienˇ 。 | loˋ nginˇ gaˊ coˊ caˊ iˋ mˇ xiˋ qienˇ 。 | 老人搭公車免費。 |
| hak100_060 | 坐捷運做毋得食東西。 | coˊ qiab iun zo mˇ dedˋ siid dungˊ xiˊ 。 | coˊ qiab iun zo mˇ dedˋ xid dungˊ xiˊ 。 | 搭捷運不可以吃東西。 |
| hak100_061 | 坐火車愛先打單。 | coˊ foˋ caˊ oi xienˊ daˋ danˊ 。 | 同內埔音 | 搭火車要先買票。 |
| hak100_062 | 請問高鐵車頭對哪仔去？ | qiangˋ mun goˊ tiedˋ caˊ teuˇ dui naiˋ eˋ hi ？ | 同內埔音 | 請問高鐵車站怎麼走？ |
| hak100_063 | 坐飛行機過遽。 | coˊ biˊ iangˇ giˊ go giagˋ 。 | 同內埔音 | 搭飛機比較快。 |
| hak100_064 | 轉擺一下！ | zonˋ baiˋ idˋ ha ！ | 同內埔音 | 休息一下！ |
| hak100_065 | 恁久無看著！ | anˋ giuˋ moˇ kon doˋ ！ | 同內埔音 | 好久不見！ |
| hak100_066 | 恁早！ | anˋ zoˋ ！ | 同內埔音 | 早安！ |
| hak100_067 | 食飽無？ | siid bauˋ moˇ ？ | xid bauˋ moˇ ？ | 吃飽飯了嗎？（問候語） |
| hak100_068 | 恁久好無？ | anˋ giuˋ hoˋ moˇ ？ | 同內埔音 | 最近好嗎？ |
| hak100_069 | 多謝！ | doˊ qia ！ | 同內埔音 | 謝謝你！ |
| hak100_070 | 毋使細義！ | mˇ siiˋ se ngi ！ | mˇ xiˋ se ngi ！ | 不客氣！ |
| hak100_071 | 失禮！ | siidˋ liˊ ！ | xidˋ liˊ ！ | 對不起！ |
| hak100_072 | 壞勢！ | faiˋ se ！ | 同內埔音 | 不好意思！ |
| hak100_073 | 無要緊！ | moˇ ieu ginˋ ！ | 同內埔音 | 沒關係！ |
| hak100_074 | 拜託你！ | bai togˋ ngˇ ！ | 同內埔音 | 拜託你！ |
| hak100_075 | 請問大名？ | qiangˋ mun tai miangˇ ？ | 同內埔音 | 請問貴姓？ |
| hak100_076 | 𠊎姓黃，安到大民。 | ngaiˇ xiang vongˇ ， onˊ doˊ tai minˇ 。 | 同內埔音 | 我姓黃，名叫大民。 |
| hak100_077 | 有無？ | iuˊ moˇ ？ | 同內埔音 | 有沒有？ |
| hak100_078 | 𠊎毋知。 | ngaiˇ mˇ diˊ 。 | 同內埔音 | 我不知道。 |
| hak100_079 | 係毋係？ | he mˇ he ？ | 同內埔音 | 是不是？ |
| hak100_080 | 係無？ | he moˇ ？ | 同內埔音 | 是嗎？ |
| hak100_081 | 做得無？ | zo dedˋ moˇ ？ | 同內埔音 | 可以嗎？ |
| hak100_082 | 做毋得！ | zo mˇ dedˋ ！ | 同內埔音 | 不可以！ |
| hak100_083 | 你曉得無？ | ngˇ hiauˋ dedˋ moˇ ？ | 同內埔音 | 你會不會？ |
| hak100_084 | 無問題！ | moˇ mun tiˇ ！ | 同內埔音 | 沒問題！ |
| hak100_085 | 你識佢無？ | ngˇ siidˋ iˇ moˇ ？ | ngˇ xidˋ iˇ moˇ ？ | 你認識他嗎？ |
| hak100_086 | 𠊎毋識佢。 | ngaiˇ mˇ siidˋ iˇ 。 | ngaiˇ mˇ xidˋ iˇ 。 | 我不認識他。 |
| hak100_087 | 新年快樂！ | xinˊ ngianˇ kuai log ！ | xinˊ ngienˇ kuai log ！ | 新年快樂！ |
| hak100_088 | 恭喜發財！ | giungˊ hiˋ fadˋ coiˇ ！ | 同內埔音 | 恭喜發財！ |
| hak100_089 | 生日快樂！ | sangˊ ngidˋ kuai log ！ | 同內埔音 | 生日快樂！ |
| hak100_090 | 身體康健！萬事如意！ | siinˊ tiˋ kongˊ kian ！ van sii iˇ i ！ | xinˊ tiˋ kongˊ kien ！ van xi iˇ i ！ | 身體健康！萬事如意！ |
| hak100_091 | 恁得人惜喔！ | anˋ dedˋ nginˇ xiagˋ oˊ ！ | 同內埔音 | 好可愛喔！ |
| hak100_092 | 蓋得人惱喔！ | goi dedˋ nginˇ nauˊ oˊ ！ | 同內埔音 | 好討厭喔！ |
| hak100_093 | 你還會喔！ | ngˇ vanˇ voi oˊ ！ | 同內埔音 | 你好棒啊！ |
| hak100_094 | 哪有啊！無影啦！ | nai iuˊ aˋ ！ moˇ iangˋ laˋ ！ | 同內埔音 | 哪裡！哪裡！ |
| hak100_095 | 𠊎愛你！ | ngaiˇ oi ngˇ ！ | 同內埔音 | 我愛你！ |
| hak100_096 | 佢發譴吔！ | iˇ fadˋ kienˋ eˇ ！ | 同內埔音 | 他生氣了！ |
| hak100_097 | 𠊎蓋𤸁！ | ngaiˇ goi kioi ！ | 同內埔音 | 我好累！ |
| hak100_098 | 𠊎蓋暢！ | ngaiˇ goi tiong ！ | 同內埔音 | 我好高興！ |
| hak100_099 | 厥老公蓋緣投！ | iaˊ loˋ gungˊ goi ianˇ dauˇ ！ | iaˊ loˋ gungˊ goi ienˇ dauˇ ！ | 她丈夫很英俊！ |
| hak100_100 | 若姐仔蓋靚！ | ngiaˊ jiaˋ eˋ goi jiangˊ ！ | ngiaˊ jiaˋ iˋ goi jiangˊ ！ | 你太太很漂亮！ |